正午十二時到病房登記 , 然後通知媽媽是第二位做手術 , 跟着 "見習護士仔" 就幫病人打 "豆豆" , 嘩..... 一見她們和第一位病人打 "豆豆" 時的手勢我就知道大件事了 , 手勢其差 , 搞到各病人鬼叫咁 , 隻手都又紅又腫 , 真可憐 .....
我在病房門口外一邊看 "Running Man" 一邊等 , 約四時十五分左右 , 護士通知可以入病房見病人了 . 當我見到媽媽的時候 , 她精精靈靈的呱呱地講述手術室內的情況 . 還討論明天出院以後應該怎樣戒口呀 .... 怎樣做運動呀的.
男護士忽然跟媽媽說 : 不可以出院呀 , 因為放了支架後恐怕血液運行得不太順利 , 所以要 "打抗凝固針" 每天早晚各一支 , 還要打五天呢 , 所以走不得 , 除非......你回家自己打啦....
媽媽聽完呆了一回 , 吓! 為什麼要打針呀 , 還要打五天針不可以出院 , 點可以架 , 救命呀......!
正在發愁之際 , 我們想起應該可以到門診打針喎 , 立即跟護士講啦 , 誰不知他說 : "星期日晚無得打喎...." 所以....無得選擇 , 只有留院打針或出院自己打針 ! 真是一盤冰水照頭淋 ......
其實 , 護士即場都有教過我們 , 聽落都都幾容易的 , 但媽媽好像不太想自己動手 , 真是.....左右為難 , 但為免無辜再留多幾日 ,應該會由我出手了.......哈哈哈哈^o^
